सम्माननीय प्रधानमन्त्री श्री झलनाथ खनालले नेपालको अन्तरिम संविधान, २०६३ को धारा ४० बमोजिम नियुक्त माननीय उप–प्रधानमन्त्री श्री भरतमोहन अधिकारीलाई अर्थ मन्त्रालयको कार्यभार तोक्नु भएकोले यो विज्ञप्ति प्रकाशन गरिएको छ ।
सम्माननीय राष्ट्रपति डा. रामवरण यादवको समुपस्थितिमा सम्माननीय प्रधानमन्त्री श्री झलनाथ खनालले आज राष्ट्रपति भवन, शीतलनिवासमा नवनियुक्त माननीय उप प्रधानमन्त्री श्री भरतमोहन अधिकारी तथा माननीय मन्त्रीहरु श्री विष्णु पौडेल र श्री गंगालाल तुलाधरलाई पद तथा गोपनीयताको शपथ गराउनु भयो ।
सो समारोहमा सम्माननीय उपराष्ट्रपति श्री परमानन्द झा, संविधान सभाका सम्माननीय अध्यक्ष श्री सुवासचन्द्र नेम्वाङ्ग, संवैधानिक निकायका प्रमुखहरू, निजामती सेवा, जंगी तथा सुरक्षा निकायका वरिष्ठ पदाधिकारीहरु र राजनीतिक दलका नेताहरू समेतको उपस्थिति रहेको थियो ।
सम्माननीय राष्ट्रपति डा. रामवरण यादवले आज प्रातः ११:३५ बजेको शुभ समयमा काठमाडौंको वसन्तपुर, नासलचोक हनुमानढोका जानुभई विधिवत रूपमा वसन्त श्रवण गर्नुभयो ।
कार्यक्रममा सम्माननीय उपराष्ट्रपति श्री परमानन्द झा, सम्माननीय प्रधानमन्त्री श्री झलनाथ खनाल, सम्माननीय प्रधान न्यायाधीश श्री रामप्रसाद श्रेष्ठ लगायत समाजका विशिष्ट व्यक्तित्वहरुको सहभागिता रहेको थियो ।
सम्माननीय राष्ट्रपति डा.रामवरण यादव समक्ष नवनियुक्त सम्माननीय प्रधानमन्त्री श्री झलनाथ खनालले आज राष्ट्रपति भवन, शीतलनिवासमा आयोजित एक विशेष समारोहका बीच पद तथा गोपनीयताको शपथ गर्नु भयो ।
सो समारोहमा सम्माननीय उपराष्ट्रपति श्री परमानन्द झा, संविधान सभाका सम्माननीय अध्यक्ष श्री सुवासचन्द्र नेम्वाङ्ग, सम्माननीय प्रधानन्यायाधीश श्री राम प्रसाद श्रेष्ठ, माननीय मन्त्रीहरू, संविधान सभाका माननीय उपाध्यक्ष, माननीय सभासद्हरू, राजनीतिक दलका प्रमुख तथा शीर्ष नेताहरू, संवैधानिक निकायका प्रमुखहरू, निजामती सेवा, जंगी तथा सुरक्षा निकायका विशिष्ट अधिकृतहरू, कूटनीतिक नियोगका प्रमुखहरू तथा सामाजिक जीवनका विशिष्ट व्यक्तित्वहरूको उपस्थिति रहेको थियो ।
