सम्माननीय राष्ट्रपति डा. रामवरण यादवज्यूसँग संविधानसभाका सम्माननीय अध्यक्ष श्री सुवासचन्द्र नेम्वाङ्गज्यूले आज राष्ट्रपति भवन, शीतल निवासमा नियमित भेट गर्नु भयो । भेटका अवसरमा वहाँहरू बिच समसामयिक विषयहरूमा छलफल भएको थियो ।
सम्माननीय राष्ट्रपति डा. रामवरण यादवज्यू समक्ष महान्यायाधिवक्ता श्री मुक्ति नारायण प्रधानले आज राष्ट्रपति भवन, शीतलनिवासमा एक समारोहकाबीच नेपालको अन्तरिम संविधान, २०६३ को धारा १३६ को उपधारा (१) बमोजिम आर्थिक वर्ष २०६७÷०६८ को वार्षिक प्रतिवेदन पेश गर्नु भयो ।
सो अवसरमा सम्माननीय राष्ट्रपतिज्यूले महान्यायाधिवक्ताको कार्यालयलाई धन्यवाद ज्ञापन गर्नु भयो ।
सम्माननीय राष्ट्रपति डा. रामवरण यादवले नेपालको अन्तरिम संविधान, २०६३ को धारा १५० बमोजिम मन्त्रिपरिषद्को सिफारिसमा काठमाडौं जिल्ला, काठमाडौं महानगरपालिका वडा नं. ९ बत्तीसपुतली निवासी श्री शंकरदास वैरागीलाई जेनेभास्थित संयुक्त राष्ट्र संघ तथा अन्य अन्तर्राष्ट्रिय संघसंस्थाका लागि नेपालको स्थायी नियोगमा स्थायी प्रतिनिधि पदमा नियुक्ति गर्नु भएकोले यो विज्ञप्ति प्रकाशन गरिएको छ ।
सम्माननीय राष्ट्रपति डा.रामवरण यादवज्यूले माघे संक्रान्तिका अवसरमा आज राष्ट्रपति भवनमा आयोजित शान्त दिवा भोजमा संविधान सभामा प्रतिनिधित्व गर्ने राजनीतिक दलका शीर्षस्थ नेताहरूसँग सामूहिक भेटघाट गर्नु भयो ।
उक्त भेटघाटका अवसरमा सम्माननीय उपराष्ट्रपति, सम्माननीय प्रधानमन्त्री, सम्माननीय सभामुख, एकीकृत नेकपा (माओवादी) का अध्यक्ष
श्री पुष्पकमल दाहाल ‘प्रचण्ड’, नेपाली कांग्रेसका सभापति श्री सुशील कोइराला, नेकपा एमालेका अध्यक्ष श्री झलनाथ खनाल, मधेशी जनअधिकार फोरम, लोकतान्त्रिकका अध्यक्ष एवम् माननीय उपप्रधानमन्त्री श्री विजयकुमार गच्छदार, तराई मधेश लोकतान्त्रिक पार्टीका अध्यक्ष श्री महन्थ ठाकुर, पूर्व प्रधानमन्त्रीज्यूहरू, माननीय उपप्रधानमन्त्री एवम् मन्त्रीज्यूहरू लगायत विभिन्न राजनीतिक दलका अध्यक्ष एवम् नेताहरूको उपस्थिति रहेको थियो ।
यस अनौपचारिक भेटका अवसरमा सम्माननीय राष्ट्रपतिज्यूबाट बाँकी अवधिमा शान्ति प्रक्रिया तथा संविधान निर्माणको कार्य पूरा हुने विश्वास लिँदै सोका लागि सबै नेताहरूसँग आग्रह गर्नु भएको थियो ।
